🌸 الصوديوم
👈 بالانجليزي sodium, وباللاتيني natrium، عشان كدا رمزه Na
👈 الصوديوم حضرتك دا عنصر خطير، عامل زي الهوا والميا بالنسبالك كدا، فهنلاقيه دايب في الدم وفي السوايل حولين الخلايا، هو ايون cation موجب، وطبعا كلنا عارفين ان رقمه الذري 11، وإنه قلوي،
🌻🌻🌻🌻🌻🌻
🌹 أهمية الصوديوم
👈 بيتحكم في ضعط الدم، عن طريق تحكمه وجذبه للميا، بالتالي يتحكم في حجم الدم، وبالتالي يتحكم في الصغط، عشان كدا الملح بيعلي الصغط قشطة كدا أظن سهلة أهي
👈 الصوديوم بيحمل شحنات كهربية، وبالتالي مهم في التوصيل العصبي، وبالتالي مهم في حركة العضلات
👈 الصوديوم كمان بيساعد الأعصاب في التواصل ما بينهم
👈 الصوديوم بيساعد على توازن السوايل في الجسم
👈 الصوديوم بيساعد على تظبيط ال pH كمان
🌻🌻🌻🌻🌻🌻
🌸 مصادره اي طالما هو مهم كدا
👈 عليك وعلى اللحمة والسمك والألبان والخضروات
👈 العصاير المعلبة اللي فيها صوديوم
👈 مياة الآبار
👈 ملح الطعام الرخيص بتاع الغلابة دا
🌻🌻🌻🌻🌻🌻
🌸 نسبته الطبيعية
135 to 145 mEq/L (milliequivalents per liter)
🌻🌻🌻🌻🌻🌻
🌸 أسباب ارتفاعه في الدم
Hypernatrimeia ⬆⬆⬆
👈 مش بتشرب ميا كتير
👈 بتشرب ميا مملحة
👈 بتاكل موالح كتير
👈 بتعرق اوووي كتير
👈 إسهال صفى سوايلك
👈 هرمون vasopressin قليل
👈 هرمون aldosterone عالي
👈 هرمون cortisol عالي
👈 أدوية زي
birth control pills
corticosteroids
laxatives
lithium
nonsteroidal anti-inflammatory
🌻🌻🌻🌻🌻🌻
🌸 طيب هحس بإيه لو الصوديوم عالي وفي
Hypernatrimeia ⬆⬆⬆
👈 هتعطش في الاول
👈 وهتحس باجهاد كأنك واخد علقة
👈 ايدك ورجلك هتورم واحدة واحدة
👈 ضعف شديد في جسمك
👈 مش هتعرف حتى تنام
👈 حتى قلبك هتسمعه بيقول توك بوم من سرعة دقاته
👈 وفي الآخر هتتوكل ع الله في غيبوبة
🌻🌻🌻🌻🌻🌻
🌸 أسباب انخفاضه في الدم
Hyponatrimeia ⬇⬇⬇
👈 أمراض الكلى
👈 أمراض الكبد
👈 حروق خطيرة
👈 فشل القلب دا غير قلب فاشل
👈 إسهال شديد أو ترجيع ضيع الصوديوم
👈 هرمون vasopressin عالي
👈 بتشرب ميا كتيييير
👈 مش بتبول بكفاية
👈 بتعرق بشدة
👈 الكيتونات عالية في الدم
👈 قصور الغدة الدرقية
👈 هرمونات adrenal gland قليلة
👈 أدوية زي
diuretics
antidepressants
certain pain medications
🌻🌻🌻🌻🌻🌻
🌸 طيب هحس بإيه لو الصوديوم قليل وفي
Hyponatrimeia ⬇⬇⬇
👈 هتحس باجهاد كأنك واخد علقة في الاول
👈 هتبدأ يجيلك غثيان وترجع كأنك حامل مثلا
👈 الصداع هيشتغل واحدة واحدة
👈 هيقولولك تعالى كل، للاسف ملكش نفس خالص
👈 هتلاقي نفسك متوتر ومش عارف اللون الأبيض من الاسود حتى
👈 حبيبي هتدخل ع الهلوسة كأنك شارب بانجو
👈 هتفقد تركيزك وفي الآخر هتتوكل ع الله في غيبوبة
🌻🌻🌻🌻🌻🌻
🌸 احنا كمعامل هو الصوديوم محتاج عينة صايم
👈 معظم المراجع قالت لأ
👈 لكن انا شايف إنه لو في تحاليل تانية معاه وكدا ماتصوم يا عم أحسن
🌻🌻🌻🌻🌻🌻
🌸 هو الصوديوم بيتحلل إزاي
👈 ممكن يتحلل بالطرق الكيميائية colorimetric، فكرة التحليل ببساطة إنه الصوديوم بيتفاعل مع مادة ملونة وينتج مادة بردو ملونة بيتناسب لونها مع تركيز ايونات الصوديوم في السيرم وبلاش العينات المتكسرة، اه من حق بتشتغل ع السيرم او بلازما هيبارين، ممكن تحفظ العينة في حرارة الغرفة لمدة ساعه ولمدة اسبوعين في التلاجة
👈 الطريقة التانية ودي الادق طبعا، طريقة المقياس الضوئي اللهبي
Flame photometer
وهي ان ذرة العنصر لما تثيرها باللهب تصدر طاقة ضوئية بشكل فوتونات لها طول موجي معين خاص يتناسب شدة الضوء الصادر مع عدد الذرات المصدرة له وبالتالي تركيز الصوديوم، بس خلاص
👈 او بطريقة ion selective electrode في بعض اجهزة الاليكترولايت
ليست هناك تعليقات:
إرسال تعليق